தேனி மதுவிலக்கு இன்ஸ்பெக்டர் பாக்கியம், எஸ்.ஐ., அருண் மற்றும் போலீசார் உப்புக்கோட்டை - டொம்புச்சேரி ரோடு கண்மாய் அருகே ரோந்து சென்றனர். அவ்வழியாக தேவாரத்தைச் சேர்ந்த டிரைவர் பாலமுருகன் டூவீலரை ஓட்டி வர கோம்பை ரெங்கநாதபுரம் வடக்குத்தெரு டிரைவர் ஈஸ்வரன் அமர்ந்து வந்தார். அவர்களை சோதனையிட்டதில் பாலமுருகன் பேக்கில் 8 கிலோ 141 கிராம் கஞ்சா, ஈஸ்வரன் பேக்கில் 6 கிலோ 223 கிராம் கஞ்சா பொட்டலங்கள் இருந்தது. மொத்தம் ரூ.1.40 லட்சம் மதிப்புள்ள 14 கிலோ 364 கிராம் கஞ்சா, 2 அலைபேசிகள், ஒரு டூவீலரை கைப்பற்றி இருவரையும் போலீசார் கைது செய்தனர்.

போலீஸ் விசாரணையில் தேனியில் இருந்து விசாகபட்டினத்திற்கு டூவீலரிலேயே 1200 கி.மீ., துாரம் குறுக்கு வழித்தடங்களில் சென்று அங்கு சில்லரை விற்பனையில் கிடைக்கும் கஞ்சாவை வாங்கி கடத்தி வந்தது தெரிந்தது.