நான்கு சாலைகள் சந்திக்கும் இந்த பகுதியில், நிழற்குடை ஒன்றும் கட்டப்பட்டுள்ளது. ஆனால், சமத்துவபுரம் சாலையில் மட்டும் பெயரளவிற்கு ஒரு வேகத்தடை உள்ளது. இதர மூன்று சாலைகளிலும் வேகத்தடை இல்லை.

இதனால், இந்த கூட்டு சாலையை கடக்கும் வாகன ஓட்டிகளால் விபத்து அபாயம் நிலவுகிறது.

ஆர்.கே.பேட்டையில் இருந்து ஜி.சி.எஸ்.கண்டிகை வழியாக மத்துார் செல்லும் வாகனங்கள், பள்ளிப்பட்டில் இருந்து கே.ஜி.கண்டிகை செல்லும் வாகனங்கள் என தினசரி நுாற்றுக்கணக்கான வாகனங்கள், இந்த கூட்டு சாலையை கடக்கின்றன.

இது தவிர, நெசவாளர்கள் தங்களின் பாவு, நுால் கட்டுகளுடன் இருசக்கர வாகனங்களுடன் இந்த கூட்டு சாலையை கடந்து மத்துார், பொதட்டூர்பேட்டை மற்றும் ஆந்திர மாநிலம் நகரி உள்ளிட்ட பகுதிகளுக்கு சென்று வருகின்றனர்.

போக்குவரத்து முக்கியத்துவம் வாய்ந்த இந்த கூட்டு சாலை பகுதியில், பேரி கார்டு நிறுவ வேண்டும் என சமூக ஆர்வலர்கள் கோரிக்கை விடுத்துள்ளனர்.