அதன்படி, சிறுகுமி மற்றும் பெரிய கடம்பூர் ஆகிய ஊராட்சியில், தலா, நான்கு குடிநீர் தொட்டிகளும், மாம்பாக்கம் ஊராட்சியில், ஒரு குடிநீர் தொட்டி என, மொத்தம் ஒன்பது தொட்டிகள் கட்டுவதற்கு, 2.75 கோடி ரூபாய் மத்திய அரசு ஒதுக்கீடு செய்தது.

ஒரு குடிநீர் மேல்நிலை தொட்டி, 30.46 லட்சம் ரூபாய் வீதம், 60,000 லிட்டர் கொள்ளளவு கொண்ட குடிநீர் மேல்நிலைத் தொட்டி கட்டுவதற்கு 'டெண்டர்' விடப்பட்டது.

தொடர்ந்து, இரண்டு ஆண்டுகளுக்கு முன், ஒன்பது குடிநீர் தொட்டிகளும் கட்டி முடிக்கப்பட்டன. ஆனால், இதுவரை எட்டு குடிநீர் தொட்டிகள் பயன்பாட்டிற்கு வராமல் கிடப்பில் போடப்பட்டுள்ளன.

பெரும்பாலான குடிநீர் தொட்டிகளுக்கு மின் இணைப்பு வாங்காமல், ஊராட்சி நிர்வாகம் மெத்தனம் காட்டுவதாக, அப்பகுதி மக்கள் குற்றஞ்சாட்டுகின்றனர்.

இதுகுறித்து திருத்தணி வட்டார வளர்ச்சி அலுவலர் சந்தானம் கூறியதாவது:

மாம்பாக்கம் ஊராட்சியில் மட்டும், கடந்த இரு மாதத்திற்கு முன் ஜல் - ஜீவன் குடிநீர் தொட்டிக்கு மின் இணைப்பு பெற்று குடிநீர் ஏற்றப்படுகிறது.

மீதமுள்ள, எட்டு குடிநீர் தொட்டிகளுக்கு குடிநீர் ஏற்றுவதற்கு தேவையான மின் இணைப்பு விரைவில் பெற்று, குடிநீர் தொட்டிகள் பயன்பாட்டிற்கு கொண்டு வரப்படும்.

இவ்வாறு அவர் கூறினார்.