காரணம், ஏழு மாநிலங்கள், 41 ஸ்டேஷன்களை கடந்து, 3,031 கி.மீ., பயணிக்கும் நாட்டின் முக்கியமான 20 ரயில்களில் இதுவும் ஒன்று.

டில்லி, உ.பி., உட்பட வட மாநிலங்களில் கடும் பனிமூட்டம் நிலவுகிறது. கடந்த, 1ம் தேதி முதல், நேற்று வரை, 17 நாட்களாக, சரியான நேரத்துக்கு கேரளா எக்ஸ்பிரஸ் இயங்கவில்லை.

குறைந்த பட்சம், 8 மணி நேரம் முதல், 18 மணி நேரம் வரை தாமதமாக இயங்கியுள்ளது. இதனால், முன்பதிவு டிக்கெட் பெற்ற பயணியர் காத்திருந்து பயனில்லை என, டிக்கெட்டை ரத்து செய்து, வேறு ரயிலில் செல்கின்றனர்.

இன்ஜின் டிரைவர்கள் கூறியதாவது:

வழக்கமான நேரங்களில், 1 கி.மீ., துாரத்தில் உள்ள சிக்னல் கூட, 'பளிச்' என தெரியும். தற்போது, கடும் பனி மூட்டத்தால், 200 மீட்டர் துாரத்தில் உள்ள சிக்னல் கூட சரி வர தெரிவதில்லை.

இதனால், 100 - 120 கி.மீ., வேகத்தில் இயக்கும் எக்ஸ்பிரஸ் ரயிலை, 80 கி.மீ., வேகத்துக்குள் மட்டுமே இயக்க வேண்டியுள்ளது.

பயணத்தை துவங்கிய ஐந்து மணி நேரத்தில் ஏற்படும் தாமதத்தை, 20 ஸ்டேஷன்கள் கடந்து வந்த பின், மீட்டெடுக்கவே முடிவதில்லை. இதனால், பயணம் நிறைவு பெறும் வரை தாமதம் தொடர்கிறது.

இவ்வாறு அவர்கள் கூறினர்.