பல்லடம் அருகேயுள்ள மேட்டுக்கடையில் உள்ள தனியார் பள்ளி வேன் ஒன்று, நேற்று காலை, மாணவர்களை ஏற்றிக்கொண்டு வழக்கம் போல் பள்ளிக்கு சென்றது.

தாராபுரம் ரோடு, கள்ளிப்பாளையம் பகுதியில், ரோட்டை கடக்கமுயன்ற போது, மதுரை -- கோவை செல்லும் அரசு பஸ், எதிர்பாராத விதமாக, பள்ளி வேனின் வலதுபுறமாக மோதியது. குறைந்தளவு மாணவ, மாணவியரே பள்ளி வேனில் இருந்ததால், அசம்பாவிதம் தவிர்க்கப்பட்டது.

இது குறித்து காமநாயக்கன்பாளையம் போலீசார் விசாரிக்கின்றனர்.