வலுப்பூரம்மன் கோவில் தேர்த்திருவிழா கடந்த, 16ல் கொடியேற்றத்துடன் துவங்கியது. தொடர்ந்து விநாயகர் வழிபாடு, கிராம சாந்தி, காப்பு கட்டுதல், அம்மன் திருவீதி உலா, சிறப்பு அபிஷேகம், தீபாராதனை அம்மன் புறப்பாடு ஆகியன நடந்தது.

நேற்று மாலை, 3:00 மணிக்கு அம்மன் தேரோட்டம் துவங்கியது. தேரோட்டத்தை பொங்கலுார் ஒன்றிய குழு தலைவர் குமார் வடம் பிடித்து துவக்கி வைத்தார். ஏராளமான பக்தர்கள் அரோகரா கோஷத்துடன் அம்மன் தேரை வடம் பிடித்து இழுத்தனர். தேர் மாலை, 5:00 மணிக்கு நிலையை அடைந்தது.

வலுப்பூரம்மன் கோவில் திருப்பணி குழு தலைவர் சிதம்பரம் தலைமையில் ஊர் பொதுமக்கள், விழா குழுவினர், கோவில் பூசாரிகள், பணியாளர்கள் தேரோட்ட ஏற்பாடுகளை செய்து இருந்தனர். விழாவில், பங்கேற்ற பக்தர்களுக்கு அன்னதானம் வழங்கப்பட்டது.