எஸ்.பி., அலுவலக செய்திக்குறிப்பு:

விழுப்புரம் மாவட்ட காவல் கண்காணிப்பாளர் அலுவலக பண்டக பிரிவில், காவல் துறையில் பயன்படுத்தப்பட்டு, கழிவு செய்யப்பட்ட தொழில் நுட்ப மற்றும் தொலைத் தொடர்பு உபகரணங்கள் வரும் 14ம் தேதி காலை 10:00 மணியளவில், மாவட்ட காவல் அலுவலக வளாகத்தில் உள்ள தொழில் நுட்ப பிரிவில், பொது ஏலம் விடப்பட உள்ளது.

இப்பொருள்களை ஏலம் எடுக்க வரும் ஏலதாரர்கள், காற்று மாசுபாடு, நீர் மாசுபாடு மற்றும் அபாயகரமான கழிவு தொடர்பான, அங்கீகார சான்றிதழின் நகல்களை வழங்க வேண்டும்.

திறந்த ஏல முறையில் ஏலம் நடத்தப்படும், 500 ரூபாய் ஏல முன்தொகை செலுத்த வேண்டும். அதிக தொகைக்கு ஏலம் எடுத்தவர், ஏலம் முடிந்த உடனடியாக மொத்த ஏலத்தொகையையும், ஜிஎஸ்.டி.,யுடன் சேர்த்து ஒரே தொகையாக செலுத்த வேண்டும்.

அதிக தொகை ஏலதாரர் பணத்தை உடனடியாக செலுத்தவில்லை என்றால், ஏலம் விடப்பட்ட பொருட்கள் அவரிடம் ஒப்படைக்கப்படாது. மேலும், அடுத்த நிலை குறைந்த ஏலதாரரிடம் பணம் வசூலிக்கப்பட்டு, பொருட்கள் கொடுக்கப்படும்.

இவ்வாறு செய்திக்குறிப்பில் கூறப்பட்டுள்ளது.