விசாரணை கோரி லஞ்ச ஒழிப்புத்துறைக்கு புகார் அனுப்பினேன். ஆசிஷ் ராவத் மீது நடவடிக்கை எடுக்க உத்தரவிட வேண்டும். இவ்வாறு குறிப்பிட்டார். அந்நீதிமன்றம்,'புகாரை விசாரித்து முகாந்திரம் இருக்கும்பட்சத்தில் ஆசிஷ் ராவத் மீது வழக்கு பதிய வேண்டும்,' என உத்தரவிட்டது. இதை எதிர்த்து லஞ்ச ஒழிப்புத்துறை இயக்குனர், தஞ்சாவூர் எஸ்.பி.,உயர்நீதிமன்றக் கிளையில் மேல்முறையீடு செய்தனர். நீதிபதி பி.புகழேந்தி விசாரித்தார்.தமிழக அரசின் தலைமை குற்றவியல் வழக்கறிஞர் ஹசன் முகமது ஜின்னா: சட்ட நடைமுறைகளை பின்பற்றாமல் வழக்கு பதிய கீழமை நீதிமன்றம் உத்தரவிட்டது. சம்பந்தப்பட்ட எஸ்.பி., அல்லது லஞ்ச ஒழிப்புத்துறையிடம் விளக்கம் கோரவில்லை. அரசின் முன் அனுமதியின்றி அரசு ஊழியர் மீது விசாரணை நடத்த முடியாது. நேர்மையான அதிகாரிகளுக்கு அரசு துணை நிற்கும். கார்த்திகேயன் தரப்பு வழக்கறிஞர்: கீழமை நீதிமன்ற உத்தரவு சரியே. அரசின் முன் அனுமதி தேவையில்லை. இவ்வாறு விவாதம் நடந்தது. நீதிபதி தீர்ப்பை ஒத்திவைத்தார்.