மேற்குவங்க மாநிலம் கொல்கட்டாவில் நடந்த குடியரசு தின விழா அணிவகுப்பு ஒத்திகையில் நம் ராணுவத்தின் ரஞ்சித் என்று அழைக்கப்படும் அனைத்து நிலப்பரப்புகளிலும் இயங்கும் ஏ.டி.வி., வாகனம் பங்கேற்றது. மணல், சேறு, சதுப்பு நிலம் மற்றும் கரடுமுரடான மலைப்பாதைகள் என கடினமான பாதையிலும் இந்த வாகனம் தடையின்றி இயங்கும்.
மும்பை உயர்நீதிமன்ற உத்தரவை அடுத்து மஹாராஷ்டிராவின் பாந்த்ரா ரயில் நிலையத்தை ஒட்டிய கரீப் நகரில் சட்டவிரோதமாக ஆக்கிரமிக்கப்பட்டிருந்த 500க்கும் மேற்பட்ட குடிசை வீடுகள் இடித்து தரைமட்டமாக்கப்பட்டன.
சிறுமுகை வன சரகத்திலிருந்து தாயை பிரிந்த யானை குட்டி., பெத்தி குட்டையில் உள்ள வன உயிரின இடம் மாற்றம் மற்றும் சிகிச்சை மையத்தில் வைத்து தொடர்ந்து கண்காணிக்கப்பட்டு வருகிறது.
விழுப்புரம் அறிஞர் அண்ணா அரசு கலைக் கல்லூரியில் 55 ம் ஆண்டு பட்டமளிப்பு விழாவில் பட்டம் முடித்த மாணவர்களுக்கு சான்றிதழை அண்ணாமலை பல்கலைக்கழக தேர்வு கட்டுப்பாட்டு அதிகாரி குமார் வழங்கினார்.
