எங்கள் வீட்டை பொறுத்தவரை, மனைவி, இரு மகள்கள், மருமகன்கள் என எல்லாருமே டாக்டர்கள். ஒருநாளின் பெரும்பகுதியான நேரம், நோயாளிகளுடனே செலவிடுவதால் ஏற்படும் மன அழுத்தத்திற்கு தீர்வாக, சிம்பா வாங்கினோம். இவனுக்கு தற்போது எட்டரை வயதாகிறது. இவன் வந்தபிறகு, வீட்டின் சூழலே மாறிவிட்டது. இவன் துள்ளல், சேட்டையால், எவ்வளவு மன அழுத்தம், பணிப்பளு இருந்தாலும், நொடியில் மறைந்துவிடுகிறது.

சிம்பா மிகவும் புத்திசாலியான பப்பி. நாங்கள் மகிழ்ச்சியாக இருந்தால், அவனது பொம்மைகளை கொண்டு வந்து, விளையாடுமாறு அழைப்பான். வேலையில் மும்முரமாக இருந்தால், தொந்தரவே செய்ய மாட்டான். நாங்கள் வீட்டில் இல்லாத போது, வேலையாட்களை நோட்டமிடுவது, யாரேனும் புது ஆட்கள் வந்தால், உடனே குரைத்து காட்டி கொடுப்பது என, பட்டியலிட்டு கொண்டே போகலாம். எங்களை பார்த்து, உறவினர்கள், நண்பர்கள் என பலரும் பப்பி வாங்கியிருக்கின்றனர்.

--- சவுந்தரராஜன், தலைவர், ஸ்ரீ மருத்துவமனை, கோவை.