உலகில் பல சுவாரசியமான சம்பவங்கள் நடந்து வருகின்றன. நீங்களும் அவற்றை நம் நாளிதழில் தினமும் படித்து வருவீர்கள். அதை வைத்து இங்கே கேட்கப்பட்டிருக்கும் கேள்விகளுக்குச் சரியான விடையைச் சொல்லுங்கள். பதில் தெரியாதவர்கள் உடனே விடையைப் பார்க்க முயற்சி செய்ய வேண்டாம். ஏற்கெனவே நீங்கள் படித்த சம்பவங்கள்தான் என்பதால், நினைவிலிருந்து யோசித்துக் கண்டுபிடியுங்கள்.

1. இந்திய விமான நிலையங்களில் உயர் பாதுகாப்பு பணிகளை மேற்கொள்ளும் எந்த நாட்டின், 'ஸெலேபி ஏவியேஷன்' எனும் நிறுவனத்தின் பாதுகாப்பு அனுமதியை, மத்திய அரசு ரத்து செய்துள்ளது?

அ. சுவீடன்

ஆ. நார்வே

இ. துருக்கி

ஈ. நெதர்லாந்து

2. ஆட்சி மாற்றம் ஏற்பட்டுள்ள எந்த நாட்டின் மீது, 20 ஆண்டுகளுக்கும் மேலாக விதிக்கப்பட்டு இருந்த பொருளாதாரத் தடைகளை விலக்கிக் கொள்வதாக, அமெரிக்க அதிபர் டிரம்ப் தெரிவித்துள்ளார்?

அ. சிரியா

ஆ. ஸ்பெயின்

இ. போலாந்து

ஈ. உக்ரைன்

3. இந்தியாவிலேயே முதன்முறையாக, '3 நானோ மீட்டர்' சிப்கள் வடிவமைக்கும் மையங்களை, 'ரெனேசாஸ் எலக்ட்ரானிக்ஸ் இந்தியா' நிறுவனம், எந்த இரு நகரங்களில் அமைத்துள்ளது?

அ. சென்னை, மும்பை

ஆ. ஐதராபாத், சூரத்

இ. நொய்டா, பெங்களூரு

ஈ. பூனே, அகமதாபாத்

4. அதிகம் கடன் பெற்ற மாநிலங்களின் பட்டியலில், 2024-2025ஆம் நிதியாண்டிலும், எந்த மாநிலம் முதலிடத்தில் (ரூ.1,01,025 கோடி) தொடர்வதாக, ரிசர்வ் வங்கி தரவுகளில் தெரிவிக்கப்பட்டு உள்ளது?

அ. கர்நாடகம்

ஆ. தமிழகம்

இ. மகாராஷ்டிரம்

ஈ. ராஜஸ்தான்

5. ஆண்டுக்கு 100-150 பிரம்மோஸ் ஏவுகணைகளைத் தயாரிக்கும் திறன் உள்ள புதிய மையம், இந்தியாவின் எந்த மாநிலத்தில் தொடங்கப்பட்டு உள்ளது?

அ. உத்தரப்பிரதேசம்

ஆ. ஜார்க்கண்ட்

இ. ஹரியாணா

ஈ. பீகார்

6. ட்ரோன் படைகளைத் தடுத்து அழிக்கும் திறன் கொண்ட புதிய ஆயுதத்தை, இந்தியா சமீபத்தில் ஒடிசாவில் சோதனை செய்தது. இந்த ஆயுதத்தின் பெயர் என்ன?

அ. திரிசூல் அஸ்திரம்

ஆ. பிருத்வி அஸ்திரம்

இ. ஆதர்ஷ் அஸ்திரம்

ஈ. பார்கவ அஸ்திரம்

7. டெஸ்ட் கிரிக்கெட் அரங்கிலிருந்து சமீபத்தில் ஓய்வு பெற்றுள்ள இந்திய வீரர்?

அ. ரவீந்திர ஜடேஜா

ஆ. சுப்மன் கில்

இ. ரோஹித் சர்மா

ஈ. விராத் கோலி

8. இந்திய ராணுவத்தின் கெளரவ, 'லெப்டினன்ட் கர்னல்' ஆக சமீபத்தில் நியமிக்கப்பட்டுள்ள தடகள வீரர்?

அ. நீரஜ் சோப்ரா

ஆ. ஸ்ரீஜேஷ்

இ. மனு பாக்கர்

ஈ. பி.வி.சிந்து

விடைகள்: 1. இ, 2. அ, 3. இ, 4. ஆ, 5. அ, 6. ஈ, 7. ஈ, 8. அ.