இரு நாளுக்கு முன் நடந்த உலக சிட்டுக்குருவி தினத்தன்று, திருப்பூர், பத்மாவதிபுரம் அரசு மேல்நிலைப்பள்ளி மாணவ, மாணவியர் மத்தியில், திருப்பூர் இயற்கை கழகம் சார்பில் நடந்த விழிப்புணர்வு நிகழ்ச்சியில் தான், இந்த கேள்வியும், பதிலும் இடம் பெற்றிருந்தது. மாணவ, மாணவியரிடையே ஓவியப் போட்டி நடத்தப்பட்டது.

'காடுகளிலும், மரங்களிலும் கூடு கட்டி வாழும் பழக்கம், சிட்டுக் குருவிகளுக்கு இல்லை.

மாறாக, வீடுகளின் கூரை, இடுக்குகளில் தான் கூடு கட்டி, இனப்பெருக்கம் செய்யும்; தன் உணவு தேவைக்காக மட்டுமே காடு, மலை, மரங்களை நாடிச் செல்லும். வீடுகள் அனைத்தும் கான்கிரீட் கட்டடங்களாக உருமாறியதன் விளைவு தான், சிட்டுக்குருவியினம் அண்டி வராததற்கு காரணம்' என்ற உண்மையை உணர்ந்த மாணவ, மாணவியர், தங்களின் எண்ணங்களை வண்ண ஓவியங்களாக வெளிப்படுத்தி, பரிசுகளை தட்டிச் சென்றனர்.