<P>* அன்பு என்னும் விதை விதைத்து மெய்யுணர்வை அறுவடை செய்யுங்கள். அருள் என்னும் நீர் பாய்ச்சுங்கள். விதையில் மரத்தின் தன்மை முழுமையாக இருப்பதைப் போலவே எண்ணத்தில் எல்லாமே அடங்கி இருக்கிறது. <BR>* தியானத்தில் அமர முடியவில்லையே, தெய்வவழிபாடு செய்ய முடியவில்லையே என்று ஏங்காதீர்கள். சமையலும் ஒரு தியானமே. சப்பாத்தி மாவைத் தேய்த்து விரிவாக்குவது போல மனமும் விசாலமாகட்டும். <BR>* காய்கறிகளை நறுக்கும் போது வேண்டாதவற்றை நறுக்கி கழிப்பது போல, வேண்டாத தீய குணங்களை மனதிலிருந்து அகற்றி விடுங்கள். காய்கறிகளை தண்ணீரில் போடுவதுபோல, அருள் என்னும் நீரில் மனதை போடுங்கள்.<BR>* காய்கறிகளை தீயில் வேகவைப்பது போலவே, மனதை ஞானத்தீயில் வேக விடுங்கள். இப்படி எண்ணும்போது நாம் செய்யும் சமையல் வேலையும் தெய்வப்பணியாகவே, தெய்வ வழிபாடாகவே மாறிவிடும். <BR>* நான் ஒரு கருவியே. தெய்வம் என்னும் ஆதார சக்திக்கு பணி செய்யும் கருவியாக உங்களை எண்ணிக் கொள்ளுங்கள். தெய்வம் எப்போது ஆனந்தமயமாகவே இருக்கிறார். அதுபோல நீங்களும் தெய்வத்தை மனதில் நினைத்துக் கொண்டால் எப்போதும் ஆனந்தமயமாகவே இருக்க முடியும்.<BR><STRONG>-சாய்பாபா </STRONG></P>