இறைவனிடம் தேவையைச் சொல்லி பிரார்த்தனை செய்தால் பலன் கிடைக்கும். கிடைக்காவிட்டாலும் மரணத்திற்கு பின் மறுமை நாளன்று அதன் பலன் கிடைக்கும். அதனால் பிரார்த்தனை நிறைவேறாவிட்டால் வருந்தாதீர்கள். ஏதோ ஒரு நன்மைக்காகத் தான் கேட்டது கிடைக்கவில்லை.

'ஒன்றை நீங்கள் வெறுக்கலாம்; அது உங்களுக்கு நன்மையானதாக இருக்கும். ஒன்றை நீங்கள் விரும்பலாம்; அது உங்களுக்கு கெட்டதாக இருக்கும். அதனால் இறைவன் கொடுப்பதை ஏற்றுக் கொள்ளுங்கள்'

என்றும், 'அடியார்களின் அருகில் நான் இருக்கிறேன்; பிரார்த்தனை செய்பவரின் பிரார்த்தனைக்கு பலன் கிடைக்காமல் போகாது. என்னை நம்புபவர் நேர்வழியில் செல்வார்கள்' என்கிறது குர்ஆன்.