ஓமலுார் தீயணைப்பு நிலையம் சார்பில், நிலைய அலுவலர் தர்மலிங்கம் தலைமையில் வீரர்கள், காமலாபுரத்தில் உள்ள தனியார் மருத்துவமனை மருத்துவர்கள், செவிலியர்களுக்கு, தீ விபத்து, பேரிடர் காலத்தில் எவ்வாறு பாதுகாப்பு பணி மேற்கொள்ள வேண்டும் என செயல் விளக்கம் அளித்தனர்.

அதேபோல் ஆத்துாரில் உள்ள தனியார் மருத்துவமனையில், ஆத்துார் தீயணைப்பு நிலைய அலுவலர் அசோகன் தலைமையில் வீரர்கள், தீ விபத்து குறித்து செயல் முறை விளக்கம் அளித்தனர். கெங்கவல்லி தீயணைப்பு துறை சார்பிலும், தனியார் மருத்துவமனையில் தீ தடுப்பு விழிப்புணர்வு நிகழ்ச்சி நடந்தது.