தலைவாசல் அருகே, கோவிந்தம்பாளையம் கிராமத்தை சேர்ந்தவர் விவசாயி ஆனந்தராஜ், 42. இவரது தோட்டத்தில் உள்ள, 40 அடி ஆழம் கொண்ட விவசாய கிணற்றில், நேற்று மதியம், 12:50 மணியளவில், ஆறு மாத சினையாக இருந்த பசு மாடு தவறி விழுந்துள்ளது. ஆத்துார் தீயணைப்பு வீரர்கள் ஒரு மணி நேர போராடி, சினை பசு மாட்டை உயிருடன் மீட்டனர்.

* ஆத்துார் அருகே, பைத்துார் புதுார் கிராமத்தில் தேசிய ஊரக வேலை திட்டத்தின் கீழ், நீரோடை துார் எடுக்கும் பணியில் நேற்று, 30க்கும் மேற்பட்ட தொழிலாளர்கள் ஈடுபட்டனர். அப்போது, சாரை பாம்பை பார்த்து ஓடியுள்ளனர். ஆத்துார் தீயணைப்பு வீரர்கள், 7 அடி நீளம் கொண்ட சாரை பாம்பை லாவகமாக பிடித்து சென்று, வனத்துறையினரிடம் ஒப்படைத்தனர்.