கடம்பத்துார் அடுத்துள்ளது பூண்டி ஒன்றியத்துக்குட்பட்ட திருப்பாச்சூர் ஊராட்சி.

இங்குள்ள வாசீஸ்வரர் சுவாமி கோவில் அருகே, 15 ஆண்டுகளுக்கு முன், ஒருங்கிணைந்த மகளிர் சுகாதார வளாகம் கட்டப்பட்டது. பராமரிப்பு இல்லாததால், 2020-21ம் ஆண்டு 15வது நிதிக்குழு திட்டத்தின் கீழ் 2 லட்சம் ரூபாயில் சீரமைக்கப்பட்டது.

அதன் பின்னும் கட்டடம் பூட்டியே கிடப்பதால் கோவிலுக்கு வரும் பக்தர்கள் மற்றும் பகுதி பெண்கள் அவதிப்பட்டு வருகின்றனர்.

எனவே, சம்பந்தப்பட்ட அதிகாரிகள், மகளிர் சுகாதார வளாகத்தை பயன்பாட்டிற்கு கொண்டு வரவேண்டுமென, பெண்கள் கோரிக்கை விடுத்து வருகின்றனர்.