மர்ம நபர் அனுப்பிய ஒரு லிங்க்கை கிளிக் செய்த வாலிபர், இணையதள பக்கத்தில், 1.50 லட்சம் ரூபாயை முதலீடு செய்துள்ளார். முதலீட்டிற்கான லாபம் ஏதும் வரவில்லை.

அந்த வாலிபர், துாத்துக்குடி 'சைபர் கிரைம்' போலீசில் புகார் செய்தார். சைபர் குற்றப்பிரிவு போலீசார் விசாரணை நடத்தினர். இதில், கோவில்பட்டி, கடலைக்கார தெருவை சேர்ந்த தி.மு.க., நகர இளைஞரணி அமைப்பாளர் ஜமாலுதீன், 30, அவரது நண்பர் கிங்ஸ்டன், 29, ஆகியோர் மோசடியில் ஈடுபட்டது தெரியவந்தது. இருவரையும் நேற்று கைது செய்த போலீசார், நீதிமன்றத்தில் ஆஜர்படுத்தி, பேரூரணி சிறையில் அடைத்தனர்.