காலி பணியிடங்களை நிரப்ப வேண்டும்

இதுகுறித்து, அங்கன்வாடி ஊழியர்கள் சிலர் கூறியதாவது: தமிழகத்தில், 54,483 அங்கன்வாடி மையங்கள் உள்ளன. இவற்றில், 1.04 லட்சம் ஊழியர்கள் பணியாற்ற வேண்டும். தற்போது, 75,468 பேர் மட்டுமே பணியில் உள்ளனர்; 28,532 பணியிடங்கள் காலியாக உள்ளன. இவற்றில், 3,886 ஆசிரியர் பணியிடங்கள் உட்பட 7,842 பணியிடங்களை நிரப்ப அரசு முன்வந்துள்ளது. பல அங்கன்வாடி மையங்களில் ஆசிரியர் இல்லாததால், பெற்றோர் தங்கள் குழந்தைகளை, தனியார் நடத்தும், 'ப்ளே ஸ்கூலில்' சேர்க்கின்றனர்.
இதனால், நகரங்களில் அங்கன்வாடி மையங்கள் மூடப்படுகின்றன. இந்த ஆண்டு மட்டும், சென்னையில் 147 உட்பட, 501 மையங்கள் மூடப்பட்டுள்ளன. எனவே, அங்கன்வாடி மையங்கள் தொடர்ந்து இயங்க, காலி பணியிடங்களை அரசு உடனடியாக நிரப்ப வேண்டும். இவ்வாறு அவர்கள் கூறினர்.