கோச்சை கறி என்ற வார்த்தை, கொங்கு பகுதியில் பயன்படுத்தப்படுகிறது. சண்டை பயிற்சி அளிக்கப்படும் சேவலை 'கோச்சை' என்று அழைப்பது வழக்கம். மண்பானை மற்றும் விறகு அடுப்பு வைத்து சுமைக்க கூடியது. கோச்சை உடல் வலுவிற்காக சாப்பிடக் கூடியது.

செய்முறை  விறகு அடுப்பில் மண் சட்டி வைக்கவும். இதில் ஐந்து ஸ்பூன் நல்லெண்ணெய் ஊற்றுங்கள்.

 எண்ணெய் சூடானதும், பத்து காய்ந்த மிளகாயில் விதைகளை நீக்கிவிட்டு, அடுப்பில் போடவும். இப்போது 200 கிராம் சின்ன வெங்காயத்தை நறுக்கி சேர்க்கவும்.

 வெங்காயம் ஓரளவு வதங்கியதும், ஒரு ஸ்பூன் கல் உப்பு, அரை ஸ்பூன் மஞ்சள் துாள் போட்டு கலக்குங்கள்.

 ஒரு ஸ்பூன் இஞ்சி -- பூண்டு பேஸ்ட் போடுங்கள். பச்சை வாசனை போன பின், அரை கிலோ கோச்சை கறி போட்டு மண் சட்டியை மூடி, 15 நிமிடங்களுக்கு சேவல் கறியை வேகவிடவும். கல் உப்பு போட்டதால் கறியிலிருந்து தண்ணீர் வெளி வந்திருக்கும்.

 இப்போது ஒரு ஸ்பூன் மிளகாய் துாள், இரண்டு ஸ்பூன் தனியா துாள் சேர்க்கவும். அடுப்பு தீயை அதிகப்படுத்தவும்.

 வறுவலுக்கு சூடு அதிகமாக இருந்தால் நல்லது. இதன் பிறகு 5-7 நிமிடங்களில் கறி வறுத்துவிடலாம்.

அவ்வளவு தான். கொங்கு பகுதி கோச்சை கறி வறுவல் ரெடி

- நமது நிருபர் - .