பாக்கா பூரி தயாரிக்க

 மைதா மாவு - ஒரு கப்

 உப்பு - ஒரு சிட்டிகை

 நெய் - 1 முதல் 2 தேக்கரண்டி

 தண்ணீர் - கால் கப்

 கிராம்பு - தேவையான அளவு

செய்முறை

 நெய்யை உருக்கவும்.

 ஒரு பாத்திரத்தில் மைதாவை போட்டு, உருக்கிய நெய், ஒரு சிட்டிகை உப்பை சேர்த்து நன்றாக கலக்கவும்.

 பின் தண்ணீரை சிறிது சிறிதாக சேர்த்து, பூரி மாவு பதம் வரும் வரை கலக்க வேண்டும்.

 மாவை ஒரு பாத்திரத்தில் போட்டு மூடி வைக்கவும்.

சர்க்கரை பாகு தயாரிக்க

 சர்க்கரை - முக்கால் கப்

 தண்ணீர் - அரை கப்

 ஏலக்காய் - 4 பொடித்தது

 குங்கும பூ - ஒரு சிட்டிகை

செய்முறை

 ஒரு பாத்திரத்தில் சர்க்கரையை தண்ணீருடன் சேர்த்து, மிதமான தீயில் வைக்கவும்.

 சர்க்கரை முழுதும் கரைந்ததும், தீயை அதிகமாக வைத்து, நான்கு நிமிடம் கொதிக்க விடவும்.

 கொதிக்கும் பாகில் குங்குமப்பூ சேர்க்கவும்.

 நான்கு நிமிடத்துக்கு பின், பாகு வந்த பின், அடுப்பை அணைத்துவிட்டு ஏலக்காய் பொடியை சேர்க்கவும்.

 பாகை அடுப்பில் வைக்காமல், தனியாக வைக்கவும்.

பாக்கா பூரி செய்முறை

 வாணலியில் எண்ணெய் ஊற்றி மிதமான தீயில் சூடாக்கவும்

 ஏற்கனவே தயாராக பிசைந்து வைத்துள்ள மாவை, தேவையான அளவில் உருண்டையாக உருட்டி கொள்ளவும்.

 உருண்டையை சப்பாத்தி போன்று வட்டமாக தட்டி கொள்ளவும். பின், அதை இரண்டாக மடித்து, முக்கோண வடிவில் செய்து கொள்ளவும்.

 எண்ணெய் சூடானபின், முக்கோண வடிவில் மடித்து வைத்திருந்த மாவை போடவும்.

 தேவை என்றால் வாசனைக்காக ஒரு கிராம்பை குத்தி வைக்கலாம்.

 மிதமான சூட்டில் பொன்னிறமாகும் வரை வறுத்து, எண்ணெயில் இருந்து எடுக்கவும்.

 இதை சர்க்கரை பாகில் போட்டு, ஒரு நிமிடம் ஊற விடவும்.

 ஊறவைத்த பாக்கா பூரிகளின் பாகை வடிகட்டுங்கள். பின், தட்டில் வைத்து பரிமாறலாம்.

- நமது நிருபர் -