கும்பம்: திருவல்லீஸ்வரரை வழிபட நன்மை உண்டாகும்.

அவிட்டம் 3,4: ஞாயிறு முதல் சகாய ஸ்தானத்தில் செவ்வாய் சஞ்சரிப்பதால் துணிச்சலும் தன்னம்பிக்கையும் அதிகரிக்கும். எடுக்கும் வேலை வெற்றியாகும். அரசியல்வாதிகளுக்கு தலைமையின் ஆதரவு கிடைக்கும். நேற்றைய கனவு நனவாகும். உத்தியோகத்தில் ஏற்பட்ட பிரச்னை முடிவிற்கு வரும்.

சதயம்: செல்வாக்கு உயரும். அலட்சியமாக பார்த்தவர்களும் ஆச்சரியப்படும் வகையில் மாற்றம் அடைவார்கள். உடல்நிலையில் ஏற்பட்ட பாதிப்பு விலகும். அரசு வழி முயற்சி வெற்றியாகும், உத்தியோகத்தில் இருப்பவர்களுக்கு ஏற்பட்ட நெருக்கடி நீங்கும். நினைத்ததை சாதிக்க முடியும்.

பூரட்டாதி 1,2,3: குருவால் தடைபட்ட வேலை நடக்கும். எடுக்கும் வேலை லாபம் தரும். திருமண வயதினருக்கு வரன் வரும். புதிய தொழில் தொடங்க மேற்கொள்ளும் முயற்சி வெற்றியாகும். வரவு அதிகரிக்கும். தொழில் முன்னேற்றம் அடையும். சிலருக்கு குழந்தை பாக்யம் கிடைக்கும்.