வார பலன் (13.6.2025 - 19.6.2025)தனுசு: ஆதி கேசவப்பெருமாளை வழிபட வாழ்வில் வளம் உண்டாகும்.மூலம்: பாக்ய ஸ்தானத்தில் செவ்வாய் கேது சஞ்சரிப்பதால் வேலைகளில் கவனம் தேவை. வியாபாரத்தில் புதிய முதலீடு செய்வதற்கு முன் நன்றாக யோசிப்பது அவசியம். ஏழாமிடத்தில் சஞ்சரிக்கும் சூரியனால் எதிர்பார்த்த இடமாற்றம் ஏற்படும். இதுவரை இருந்த நெருக்கடி விலகும். பூராடம்: சப்தம ஸ்தானத்தில் சஞ்சரிக்கும் குருவும், சகாய ஸ்தானத்தில் சஞ்சரிக்கும் சனி, ராகுவும் உங்கள் நிலையை உயர்த்துவர். முயற்சி யாவும் வெற்றியாகும். அதிர்ஷ்ட வாய்ப்பு தேடி வரும். ஐந்தாமிட சுக்கிரனால் பொன் பொருள் சேரும்.உத்திராடம் 1: ஞாயிற்றுக்கிழமை முதல் சூரியன் சப்தம ஸ்தானத்தில் சஞ்சரிப்பதால் உத்தியோகத்தில் இருப்பவர்களுக்கு எதிர்பார்த்த மாற்றம் உண்டாகும். ராசிக்கு குருபார்வை உண்டாவதால் செல்வாக்கு உயரும். கனவு நனவாகும் வாரம் இது.