வார பலன் (6.6.2025 - 12.6.2025)மீனம்: மாரியம்மனை வழிபட மனக்கவலை விலகும்.பூரட்டாதி 4: ராசி நாதனின் பார்வை 8, 10, 12 ம் இடங்களுக்கு உண்டாவதால் நிலை உயரும். தொழில் முன்னேற்றம் அடையும். உத்தியோகத்தில் இருந்த பிரச்னைமுடிவிற்கு வரும். வேலைத்தேடி வருபவர்களுக்கு எதிர்பார்த்த தகவல் வரும். செலவு கட்டுப்படும். சனிக்கிழமை அனைத்திலும் பொறுமை தேவை.உத்திரட்டாதி: சூரியன், ஆறில் கேது, செவ்வாய், குருவின் பார்வை உங்கள் நிலையில் முன்னேற்றத்தை ஏற்படுத்தும். செலவு குறையும். சேமிப்பு உயரும். உடல்நிலையில் ஏற்பட்ட சங்கடம் விலகும். உங்களுக்கு எதிராக செயல்பட்டவர்கள் பலவீனம் அடைவார்கள். சனி ஞாயிறில் விழிப்புடன் செயல்படுவது நல்லது.ரேவதி: புதன் ஆட்சியாக சஞ்சரிப்பதால் திட்டமிட்டு செயல்படுவீர். நினைத்ததை சாதிப்பீர். ஒரு சிலருக்கு புதிய சொத்து சேரும். செல்வாக்கு அதிகரிக்கும். வியாபாரம் விருத்தியாகும். வேலைகளில் ஏற்பட்ட நெருக்கடி நீங்கும். ஞாயிறு திங்களில் வேலைகளில் கவனம் தேவை.சந்திராஷ்டமம்: 6.6.2025 இரவு 10:19 மணி - 9.6.2025 காலை 10:08 மணி