மீனம்: ஆறுமுகனை வழிபட சங்கடம் விலகும்.

பூரட்டாதி 4: வியாபாரத்தில் ஏற்பட்ட தடை விலகும். அதிர்ஷ்ட வாய்ப்பு தேடிவரும். புதிய தொழில் தொடங்கும் முயற்சி வெற்றியாகும். வேலைக்காக முயற்சிப்பவர்களுக்கு எதிர்பார்த்த தகவல் வரும். உத்தியோகத்தில் ஏற்பட்ட நெருக்கடி விலகும். வீண் செலவு குறையும்.

உத்திரட்டாதி: எந்த வேலையாக இருந்தாலும் அதில் நிதானம் தேவை. பண விவகாரத்தில் எச்சரிக்கை அவசியம். அறிமுகம் இல்லாதவர்களை நம்பி இடம், வீடு என வாங்கும் முயற்சியைத் தவிர்க்கவும். உடல் நிலையும் மன நிலையும்  ஒரு நேரம் இருப்பதுபோல் மறுநேரம் இல்லாமல் போகும் என்பதால் ஓய்விற்காக நேரத்தை ஒதுக்குவது நன்மை அளிக்கும். வெள்ளி அன்று விழிப்புடன் செயல்படுவது அவசியம்.

ரேவதி: உங்கள் வேலைகளில் தெளிவு இருக்கும். திட்டமிட்டு செயல்படுவீர். எதிர்பார்த்த பணம் வரும். சிலர் சொந்த இடம், வீடு, வாகனம் என வாங்குவீர். உறவினர்கள் ஆதரவு கிடைக்கும். குடும்பத்தில் ஏற்பட்ட பிரச்னை விலகும். கையில் பணம் புரளும். சனிக்கிழமை அனைத்திலும் நிதானம் அவசியம்.