வார பலன் (13.6.2025 - 19.6.2025)மகரம்: வைத்தீஸ்வரரை வழிபட சங்கடம் விலகும்.உத்திராடம் 2,3,4: ஞாயிற்றுக்கிழமை முதல் சூரியன் ஆறாமிடத்தில் சஞ்சரிப்பதால் வியாபாரத்தில் ஏற்பட்ட தடை விலகும். எடுக்கும் முயற்சி வெற்றியாகும். இழுபறியாக இருந்த பிரச்னை முடிவிற்கு வரும். வழக்கு சாதகமாகும்.திருவோணம்: சனி, ராகுவிற்கு குருபார்வை உண்டாவதால் குடும்பத்தில் இருந்த நெருக்கடி நீங்கும். எதிர்பார்த்த பணம் வரும். தொழில் விருத்தியாகும். அஷ்டம கேதுவும் செவ்வாயும் உடல்நிலையில் சங்கடத்தை ஏற்படுத்துவர்.அவிட்டம் 1,2: அஷ்டம ஸ்தானத்தில் செவ்வாய் சஞ்சரிப்பதால் தடை உண்டாகும்.ஒரு சில வேலை இழுபறியாகும். ஆறாமிடச் சூரியன் புதனால் லாப நிலை ஏற்படும். எதிர்பார்த்த பணம் வரும். அரசு வழி வேலை சாதகமாகும்.